Саҥа кинигэлэр

 Раиса Николаева Евсеева-Дьүөгэ 1951 сыллаахха Бүлүү улууһун Баппаҕаайы нэһилиэгэр төрөөбүтэ. Россия Журналистарын союһун чилиэнэ. “Забота-Арчы”, “Олох суола” хаһыаттар общественнай корреспонденнара. Бүлүү улууһун Хампатыгар олорор. 1997 сылтан “Иэйии" литературнай түмсүүнү салайар. 

 

      

       Бүлүү улууһун Хампа сэлиэнньэтин олоҕун-дьаһаҕын, үлэтин-хамнаһын, дьонун-сэргэтин сырдатар үтүмэн үгүс заметканы, ыстатыйаны суруйан кэллэ. Бэчээккэ тахсыбыт матырыйаалларын мунньан кинигэ оҥордо уонна бу күннэргэ оскуолабыт библиотекатыгар бэлэхтээтэ.

            Өссө биир үтүө, күндү бэлэҕинэн буолла Хампа орто оскуолатыгар 1955-1957 сылларга химия уонна биология учууталынан үлэлээбит, краеведческай музейы тэрийбит Гаврильев Семен Давыдовыч саҥа кинигэтэ.

Семен Давыдович кэргэнэ Варвара Софроновналыын үлэни өрө туппут, оҕо иитиитигэр дириҥ кылааттарын киллэрэн эдэр ыччаты инникигэ түстээбит, кэрэни кэрэхсээбит дьоһун талааннаах, дьон-сэргэ махталын, убаастабылын ылбыт үтүө-мааны учууталлар. Семен Давыдович эдэр сааһыгар үлэлээбит оскуолатын кытта сибээһин быспат. Хампа дьоно-сэргэтэ, үөрэппит оҕолоро умнубаттар, махтаналлар.