Театр ыалдьыттыыр

     Бороҕон оскуолатыгар Үүнэр көлүөнэ театра ыалдьыттаата. Кулун тутар 10 күнүгэр Бороҕон орто оскуолатыгар Саха Республикатын Үүнэр көлүөнэтин театрын коллектива ыалдьыттаан ааста.Бүлүүттэн төрүттээх артистар төрөөбүт –үөскээбит нэһилиэктэринэн гастроллуу сылдьаллар эбит. 

Көрсүһүүгэ коллектив барыта кытынна. Оскуоланы кытары билистилэр, оҕолору кытары кэпсэттилэр. Биир дойдулаахтарбыт Саха Республикатын үтүөлээх артыыһа Дьулус Семенов, культура туйуна Катя Семенова элбэх киинэлэргэ оонньообут дьон буолаллар.Кинилэр оонньообут киинэлэриттэн быһа тардыылары көрдөрдүлэр. Көрсүһүү бүтүүтүгэр театр уус-уран салайааччыта, СР народнай артыыһа А.П.Павлов оскуола библиотекатыгар төрөппүттэрин туһунан бэйэтэ хомуйан таһаарбыт кинигэтин уонна бэйэтэ толорор репертуарынан тахсыбыт кинигэлэрин бэлэхтээтэ. Бороҕон оскуолатыгар ыалдьыттаан ааспыт бэлиэлэригэр артыыстарга биһиги учууталбыт Н.Т.Прокопьева –Алгыстаах Сарыада бэйэтин кинигэтин өйдөбүнньүк биэртэлээтэ. Киэһээ өттүгэр нэһилиэк олохтоохторо «Наара Суох”спектаклы астына көрдүлэр.