"Дьоллоох түгэн".

     Алын сүһүөх оскуолаҕа олунньу 11 күнүгэр төрөөбүт тыл уонна сурук бичик нэдиэлэтин чэрчитинэн саха народнай суруйааччыта Николай Егорович Мординов-Амма Аччыгыйа «Тоҕус төгүл тоҕо» айымньытынан литературннай оонньуу ыытылынна. Оонньуу соругунан оҕолорго айымньыны билиһиннэрии, болҕомтолоох ааҕыыны ситиһии буолар. Оҕолор үс хамаандаҕа арахсан оонньуу саҕаланна. Хамаандалар капитаннарынан төрдүс кылаас үөрэнээччилэрэ Миндаев Дамир, Третьякова Катя, Федорова Тоня буоллулар. Бастакы түһүмэххэ икки хамаанда тэҥнэһэн салгыы оонньоотулар. Кинилэртэн биир баалынан хаалан үһүс хамаанда оонньууттан туораата. Иккис түһүмэххэ Тоня Федорова капитаннаах бастакы хамаанда инники тахсан кыайыылаах буолла. Кыайыылаах хамаанда грамотанан, кинигэлэринэн бэлиэтэннэ. Атын кыттааччылар бары өйдөбүнньүк бэлиэлээх тарҕастылар. Оҕолорго кинигэ ааҕыытыгар болҕомтолоох буолалларыгар учууталлара, библиотекарь сүбэ биэрдилэр.